الصفحة الرئيسية › ثقافة

ثقافة من تونس: رسالة مفتوحة " للمسهولين " بقلم المسرحي نور الدين الورغي

من تونس: رسالة مفتوحة " للمسهولين "

بقلم المسرحي نور الدين الورغي
............................
تونس في... والله ما نعرف..
البارح
اليوم
غدوة
آمس
والله ما نعرف..
نـجْـبدْ
نْـغْـرفْ
نكتب
والدموع تِــذرفْ
نُــصْـرفْ
العرق ياقوت
شرشار
واد هرهار
يــجْــرفْ
الجروح دامية
بين العروق تِـــزْرفْ..
جندوبة في... قدّاش زعمة؟
نهار اليوم
نهار جمعة
في حومة الواد
من تحت الصّـمْــعة
كلامي للرّئيس لَـمْــعَـة
لا مــحـبّة فيك
لا طَـمْـعَـة
الحديث الثّاير
لَــمْــعَــة
ولد الوطا ما تسيل مِــنّو
دَمْــعَـة..
الكاف في ... ربي عالِمْ
بعد سنين
بعد قرون
ماكــشْ سَــالِــمْ..
جبال الدّير
بومَـخْــلوفْ
النّغْــمات والزّنــود
للـسّـماء
ســــلالِــمْ..
سليانة في ...والله ما ندْري..
الرّشْ نجومْ
حبـوبْ
حَــبّاتْ
سِــبْـحَة
غـيومْ
في العيون تــحـومْ
لا تـنْـسى
لا تَـسْـهى
على غــريد البــومْ..
باجة في... نهار غَــايـمْ..
قـصَـرْ مِــزْوارْ
سيدي اسماعيل
مَـسْـتوتة
المُـنْـشار
لا خيانة
لا دسيسة
لا عَــارْ..
الساحل والجنوب في .. نهار طـويل..
عَــبّـيـنا
مالسّــراب
كـهوفْ
وديـــانْ
الموجة وراء الموجة
حـروفْ
الملح شَــبْ
تـشرّقت الـكـفوفْ
قفصة
بوزيد
سوسة
صفاقس
تطاوين
الدّويرات
الفرسان صــفـوفْ..
الجمهورية التونسية في .. بَـرّه لَـوّج
تـكَـــدّس الحديث
فَـوّجْ
" مِـــكَـرٌّ مِـفَـرٌّ "
تـقـطّع الـكَــــرّْ
تــعـوّج
ثار
طار
مَــوّجْ..